胡杏兒今日以愛眼之星嘅身份,去到大潭出席奧比斯「步步獻光明」慈善步行。杏兒早前拍劇扮演視障人士,更能明白有眼疾的痛苦,仲話自己一向都有留意護眼。
最近有雜誌報道杏兒嘅男友,夜店老闆Phil已三次求婚,佢今日就笑住話:「係咩?我自己都唔知,似乎大家比我仲想咁,其實係開心事,多謝大家,不過就仲未(求婚),一齊唔係好耐,唔急,要啲時間相處吓。」
杏兒之後仲話:「雖然近排都係掛住拍拖,不過都要做嘢,希望兼顧到啦,我怕大家以為我退出。」問到同大台續約嘅事,佢就話:「傾緊,唔輕易,方向同時間都要考慮,香港市場都好重要,不過唔迫切嘅。」問到係唔係唔迫切落筆續約,佢話:「到時大家會知架喇。」
有傳杏兒嘅好姊妹姚子羚嚟緊結婚,她說:「我都唔知喎,最緊要佢開心。」問到會否今年內結婚齊做羊年新娘時,佢笑住話:「哈哈,冇咁快。」